Kreu i Shtëpisë së Bardhë, Donald Trump, ka theksuar se ndihma që i dha kryeministrit izraelit, Benjamin Netanyahu, ka luajtur rol kyç në zgjedhjet parlamentare në Izrael, teksa procesi i numërimit të votave është ende duke vazhduar.
Gjatë një bisede me gazetarët në bordin e aeroplanit presidencial Air Force One, Trump u shpreh lidhur me Netanyahun: „Mendoj se kur shpalla mbështetjen time, kjo e ndihmoi shumë atë“. Ndërkaq, sfida për drejtimin e parlamentit të Izraelit, Knesset, vazhdon të jetë e pasigurt. Aleanca e udhëhequr nga Netanyahu dhe grupet opozitare me në krye Gadi Eisenkot po zhvillojnë një betejë të ashpër për të arritur shumicën e ulëseve.
Bazuar në të dhënat fillestare dhe me 50.1% të fletëvotimeve të numëruara deri më tani, formacioni politik Likud i kryeministrit dhe partnerët e tij pritet të fitojnë 56 nga 120 mandatet në Knesset. Në anën tjetër, blloku i opozitës llogaritet të sigurojë 49 mandate, kurse formacionet arabe parashikohet të marrë 15 mandate. Këto shifra janë ende paraprake dhe verdikti përfundimtar do të jepet pas përfundimit të të gjithë numërimit të votave.
