Situata në protestë ka degeneruar në përplasje të drejtpërdrejta mes forcave të rendit dhe demonstruesve. Efektivët e policisë kanë ndërhyrë duke hedhur sasi të mëdha gazi lotsjellës, çka ka detyruar turmën e studentëve të tërhiqet përkohësisht nga bulevardi.
Gjatë kësaj lëvizjeje, pjesëmarrësit kanë lëshuar thirrje të ashpra si “Poshtë diktatura”. Pakënaqësia ka shpërthyer hapur, shoqëruar me fyerje të rënda drejtuar kreut të qeverisë, ndërkohë që kërkesa e tyre e vetme mbetet dorëheqja.
