Gjatë një komunikimi në rrjetet sociale, kryeministri Edi Rama ka paralajmëruar intensifikim të masave policore ndaj pjesëmarrësve në protesta, duke përmendur praninë e vazhdueshme të forcave RENEA përballë qytetarëve.
Ndërkohë, në bulevardin para Kryeministrisë janë shfaqur fadromat, të cilat kanë nisur heqjen e gurëve të trotuareve. Kjo lëvizje vjen pas disa ditësh të shënuara nga tensione dhe përplasje të herëpashershme mes qytetarëve dhe strukturave të rendit.
Heqja e gurëve nga ky segment ndryshon gjendjen në terren, duke qenë se ato janë përdorur gjatë përleshjeve me policinë, ndërsa mbetet për t'u parë se si do të ndikojë kjo ndërhyrje në zhvillimin e protestave të sotme.
