Një shpërthim i fuqishëm në një pallat banimi në Elbasan ka lënë të vdekur një 83-vjeçar dhe ka detyruar tetë persona të tjerë, përfshirë një fëmijë, të kërkojnë ndihmë mjekësore.
Ministria e Shëndetësisë dhe Mirëqenies Sociale ka bërë të ditur se tetë të dëmtuarit po trajtohen në Spitalin Rajonal të Elbasanit, ndërsa viktima u konstatua pa shenja jete në vendin e ngjarjes.
Strukturat e urgjencës dhe personeli i spitalit janë angazhuar plotësisht për të përballuar situatën dhe për t'u kujdesur për pacientët e plagosur.
Institucioni shëndetësor theksoi se po bashkëpunon ngushtë me autoritetet e tjera për të siguruar ndërhyrjen e shpejtë mjekësore dhe se do të ketë njoftime të reja lidhur me ecurinë e shëndetit të të prekurve.
