Një ngjarje e rëndë ka tronditur fshatin Sopot të Bulqizës, ku raportohet për të shtëna me armë zjarri që kanë lënë një person të vdekur dhe një tjetër të plagosur.
Sipas të dhënave paraprake, dyshohet se ngjarja ka ndodhur gjatë një aktiviteti gjuetie, siç bën të ditur gazetari Enver Doçi për BalkanWeb.
Autoritetet ende nuk i kanë zbardhur rrethanat e plota të këtij incidenti, ndërkohë që pritet një njoftim zyrtar nga ana e policisë për të sqaruar dinamikën e ngjarjes dhe për të bërë publike identitetet e individëve të përfshirë.
