Gjykata e Lartë ka konfirmuar vendimin e Apelit, duke lënë në fuqi dënimin me 12 vjet burg për sipërmarrësin nga Italia, Francesco Becchetti.
Nëpërmjet këtij vendimi, është vulosur shkurtimi me 5 vjet i masës ndëshkimore fillestare prej 17 vitesh heqje lirie që ishte caktuar më parë ndaj tij.
Becchetti është shpallur fajtor lidhur me përfshirjen në një skemë mashtruese përmes TVSH-së dhe pastrimit të parave.
Ndaj tij rëndonin akuza për katër vepra penale: “Vjedhje duke shpërdoruar detyrën”, “Pastrimi i produkteve të veprës penale ose veprimtarisë kriminale”, “Falsifikim dokumentesh” dhe “Krijimi i skemave mashtruese lidhur me tatimin mbi vlerën e shtuar”.