Crédit Mutuel Arkéa rifilloi operacionet pas një sulmi, ndërkohë që po vlerëson dëmet. Banka bëri të ditur se fondet e klientëve nuk u preken pasi sulmuesit hynë në sistemet e saj përmes platformës së një ofruesi shërbimesh.
Grupimi bankar francez Crédit Mutuel Arkéa njoftoi se pothuajse të gjitha operacionet u rifilluan të mërkurën, pas një sulmi kibernetik që lidhet me një dyshim vjedhjeje nga llogaria e vetë bankës.
Banka tha se veprimtaria u rikthye pas kontrolleve të sigurisë dhe masave shtesë mbrojtëse. Ajo sqaroi se fondet e klientëve mbetën të paprekura dhe ndërprerja shkaktoi vetëm vonesa në disa transferta.
Gjithashtu, banka zbuloi se sulmuesit fituan qasje përmes një ofruesi shërbimesh, dhe jo përmes filialit të saj të bankës online, Fortuneo. Ata transferuan paratë e bankës në institucione të tjera financiare, duke lejuar potencialisht konvertimin e tyre në kriptovaluta.
Tërheqjet nga bursat e kriptomonedhave ekspozuan për herë të parë vjedhjen e dyshuar. Firma e analitikës së bllokut Bitquery gjurmoi tërheqjet nga llogaritë në Kraken, Crypto.com dhe OKX për pa u identifikuar publikisht viktima.
Hetuesi i rrjetit ZachXBT sinjalizoi më shumë se 106 milionë dollarë në tëhqeje të dyshimta të hënën dhe e ngriti vlerësimin e tij në mbi 133 milionë dollarë të martën, pasi zbuloi 27 milionë dollarë të tjera. Raporti i tij i së mërkurës identifikoi Arkéa-n si viktimën e mundshme.
Më pas, banka konfirmoi sulmin dhe u shpreh se po vijon të vlerësojë ndikimin e tij financiar.
“Ne nuk po i konfirmojmë këto shifra; mund të konfirmojmë vetëm shkallën e përafërt,” tha Arkéa, sipas një përkthimi automatik.
Arkéa njoftoi se disa fonde janë ngrirë dhe se po ndërmerren përpjekje të mëtejshme rikuperimi. Më parë, Kraken dhe Crypto.com i thanë Cointelegraph se kishin kufizuar llogaritë ose kishin bllokuar fondet e lidhura me vjedhjen e dyshuar. Të dyja bursat insistuan se platformat e tyre mbeten të sigurta.
