Shqipëria është përfshirë prej tri ditësh nga protesta të gjerësisë masive të udhëhequra nga të rinjtë, të cilët kërkojnë largimin e kryeministrit Edi Rama dhe kundërshtojnë ashpër elitën aktuale politike.
Gjatë ditës dhe mbrëmjes së djeshme, qindra protestues, të shoqëruar nga aktivistë dhe prindër, u përleshën me forcat e rendit, të cilët përdorën gaz lotsjellës dhe shkopinj gome ndaj tyre. Lëvizja e pakënaqësisë u përhap nga kryeqyteti në qytete të ndryshme të vendit, ku nxënës të shkollave të mesme dhe studentë braktisën dyert e auditorëve për të kërkuar të drejtat e tyre dhe një perspektivë më të sigurt për të ardhmen. Thirrje të tilla si “Rama jepe dorëheqjen!”, “Rama n’burg, Berisha n’burg” dhe “ju erdhi fundi” u brohoritën nga turmat, ndërkohë që gjatë tubimeve pati dëmtime të infrastrukturës, djegie të institucioneve dhe bizneseve, si dhe shoqërime të shumta me dhunë nga policia. Protestat e të rinjve pritet të vazhdojnë edhe ditën e sotme.
