Kreu i Shtëpisë së Bardhë, Donald Trump, do të mbajë nesër tubimin e fundit të fushatës për zgjedhjet e mesmandatit, të cilat do të zhvillohen më 3 nëntor.
Sipas informacioneve nga CNN, mitingu do të zhvillohet te Pishina pranë Memorialit të Abraham Linkolnit në kryeqytetin amerikan. Burimet konfirmojnë se kreu i shtetit do të fokusohet te nismat e ndërtimit në Uashington dhe do të japë thirrjen e tij të fundit për votuesit. Nga ana e tij, The Wall Street Journal raporton se fjalimi do të vërë theksin te puna e administratës dhe republikanëve në Kongres që nga nisja e mandatit, ndërsa ky aktivitet pason ndalesat e fundit të Trump në Iowa dhe Kansas. Këto zgjedhje përbëjnë një provë kyçe politike për presidentin dhe Partinë Republikane, me qytetarët që do të përcaktojnë strukturën e re të Kongresit të Shteteve të Bashkuara.
