Shaban Brika, protestuesi që ka rënë në sy me flamurin kombëtar para Kryeministrisë, ka ngritur akuza ndaj policisë për kërcënime me arrestim.
Në një deklaratë për News24, Brika u shpreh se është paralajmëruar tri deri në katër herë nga një drejtues policie vetëm pse mban flamurin kuqezi, pa i dhënë ndonjë shpjegim dhe duke aluduar për mllefe personale të efektivëve. Ai shtoi se është kthyer posaçërisht nga Anglia për këtë protestë, pasi flamuri i ka munguar gjatë viteve në emigrim. “Me kanë kërcënuar me arrestim sepse mbaj flamurin. Është një shef atje që ma tha. Më kanë kërcënuar 3-4 herë. Unë po mbaja flamurin, por ata kanë mllefet e tyre. Nuk më thanë as arsye. Unë këtë flamur kuqezi kam qejf, më ka munguar që nga viti 1992 e deri më sot, kur kam qenë në emigrim. Kam ardhur nga Anglia vetëm për këtë flamur. Këta e kanë në tru sikur unë paguhem që mbaj këtë flamur”, u shpreh Shaban Brika për News24.
