Mediet italiane, konkretisht Sky Tg24, kanë trajtuar ngjarjet e fundit në Tiranë, ku tubimet janë shoqëruar me incidente dhe përplasje mes qytetarëve e policisë.
Sipas reladimit të kësaj media, pjesëmarrës me fytyra të mbuluara janë përleshur me efektivët e rendit, kanë bllokuar akse rrugore dhe kanë gjuajtur me gurë drejt ndërtesave qeveritare. Për t'i dhënë fund trazirave dhe për të zhbllokuar qarkullimin, strukturat e sigurisë kanë përdorur autobotin me ujë gjatë ndërhyrjes së tyre në kryeqytet.
Sky Tg24 vë në pah se revoltën, e cila nisi në muajin tetor nën udhëheqjen e të rinjve, synon korrupsionin shtetëror, mungesën e mundësive për punësim dhe ndryshimet në arsim. Kjo valë protestash, e cila lindi nga kërkesat studentore, është shndërruar tashmë në një provë të fortë për kabinetin e udhëhequr nga Edi Rama. Pakënaqësitë e shprehura përmes tubimeve të vazhdueshme e mbajnë situatën në kryeqytet të tendosur, ndërsa kanali italian e konsideron këtë sfidën më të madhe për kreun e qeverisë deri në këto momente.
