Kryeministri Edi Rama përsëriti thirrjen për dialog drejtuar studentëve protestues, ndërkohë që ata vazhdojnë bojkotin e mësimit dhe kërkojnë dorëheqjen e tij.
Udhëheqësi i ekzekutivit shfaqi sërish foton e tavolinës prej guri me shënimet “Dialog”, duke dërguar të njëjtin sinjal për nisjen e një bisede me të rinjtë. Nga ana e tyre, studentët i kanë hedhur poshtë ftesat e kryeministrit, duke theksuar se kushti i tyre kryesor është shkarkimi i Ramës nga posti.
Tubimet po vazhdojnë prej disa javësh në kryeqytet, ku të rinjtë marshojnë nëpër rrugë dhe ndalojnë te fakultetet për të nxitur më shumë kolegë që t'i bashkohen protestës. Pedagogët u janë bashkuar mbështetësve, duke dhënë mbështetjen e tyre për këtë nismë.
Si akt mospajtimi me zhvillimet, studentët dhe lektorët kanë bojkotuar mësimdhënien, ndërsa tubimet dhe thirrjet për largimin e kreut të qeverisë vazhdojnë çdo ditë.
