Gjatë mbledhjes së Komisionit Posaçëm për Reformën Zgjedhore, bashkëkryetari opozitar Oerd Bylykbashi ka ngritur shqetësimin mbi përdorimin e institucioneve shtetërore për ndikim elektoral. Ai theksoi nevojën urgjente për ndarjen e shtetit nga partia dhe kërkoi vendosjen e listave të hapura bashkë me rikthimin e koalicioneve.
Gjatë fjalës së tij, përfaqësuesi i opozitës u ndal te përfshirja e administratës dhe përdorimi i të dhënave personale për të kushtëzuar votuesit, duke cilësuar strukturat shtetërore si mjete presioni ndaj qytetarëve dhe sipërmarrjeve.