Kreu i shtetit, Bajram Begaj, ka zyrtarizuar ligjin që sjell një organizim të ri administrativo-territorial për vendin, duke ulur shifrën e njësive vendore nga 61 në 46.
Harta e përditësuar e pushtetit vendor do të hyjë në fuqi gjatë zgjedhjeve lokale të vitit 2027, periudhë kur banorët do t'u drejtohen kutive të votimit për të zgjedhur drejtuesit e rinj dhe këshillat përkatës. Dokumenti zyrtar mbart miratimin e ligjit me numër 100/2026, i titulluar “Për ndarjen administrativo-territoriale të njësive të qeverisjes vendore në Republikën e Shqipërisë”.
Në aktin e firmosur nga presidenti theksohet:
“Në mbështetje të nenit 84, pika 1, dhe nenit 93 të Kushtetutës,
DEKRETOJ:
Shpalljen e ligjit nr. 100/2026, ‘Për ndarjen administrativo-territoriale të njësive të qeverisjes vendore në Republikën e Shqipërisë’.”
Kjo ulje prej 15 njësish pritet të riformatojë strukturën e administratës vendore anembanë territorit shqiptar.
