Aktivisti Erjon Murataj, i ftuar në News24, ka diskutuar mbi protestat e fundit kundër qeverisë, duke bërë thirrje për bashkimin e qytetarëve përtej bindjeve politike në kërkim të ndryshimit.
Gjatë bisedës, ai vuri në dukje se tubimet janë kombëtare dhe antipartiake, duke shtuar se personat që kanë abuzuar më parë me pushtetin nuk duhet të kenë vend aty. Murataj përmendi gjithashtu diferencat e mëdha sociale dhe situatën e rënduar ekonomike të familjeve shqiptare, duke e krahasuar atë me pasurinë e zv.kryeministres Belinda Balluku, për të cilën tha se zotëron 300 apartamente.
Sipas tij, realiteti aktual i ngjan një gjendjeje lufte, ndërsa protestat kanë shërbyer për të thyer frikën e qytetarëve dhe për të rikthyer shpresën për një udhëheqje të re, pa pranuar dialog me kryeministrin Edi Rama.
