Protesta e studentëve në Rrugën e Durrësit është shoqëruar me përleshje dhe hedhje gurësh ndaj forcave të rendit, pavarësisht ndërhyrjes së policisë me ujë dhe kimikate.
Uniformat blu janë organizuar në një kordon mbrojtës për të shpërndarë turmën, ndërkohë që rezistenca e të rinjve vazhdon e pandalur. Gjatë operacionit, uji me kimikate ka prekur edhe gazetarët e pranishëm që po ndiqnin zhvillimet. Në zonë ka mbërritur personalisht drejtori i Policisë së Shtetit, Skënder Hita, për të menaxhuar situatën nga afër. Protestuesit deklarojnë se protesta e tyre vjen si reagim ndaj kushteve të rënda të jetesës në kryeqytet, të cilat i konsiderojnë tepër të vështira për t'u përballuar.
