Banka më e madhe e Rusisë, Sberbank, ka siguruar miratimin e bankës qendrore për të tregtuar kriptovaluta përpara nisjes së planifikuar për në muajin dhjetor. Institucioni financiar përgatitet të ofrojë operacione për Bitcoin, Ether dhe Tether USDt.
Regjistri i përditësuar i Bankës së Rusisë liston tani dhjetë operatorë të autorizuar të bursave të kriptomonedhave dhe gjashtë kujdestarë digjitali. Sberbank kishte bërë të ditur më parë se synon të nisë produktet e reja më 1 dhjetor 2026, përmes platformave të saj ekzistuese SberBank Online, SberInvestments dhe SberBusiness.
Gazeta e biznesit Vedomosti raportoi se banka ka nisur testimin e blerjeve, shitjeve, depozitave dhe tërheqjeve përmes aplikacionit të saj. Sipas njoftimeve, afati përfundimtar i lançimit varet nga rregulloret shtesë të bankës qendrore.
Këto regjistrime vijnë pas hyrjes në fuqi të rregullave të reja për kriptovalutat në Rusi, të cilat vendosën operatorët e bursave dhe kujdestarët nën mbikëqyrjen e bankës qendrore. Megjithatë, shteti vazhdon të ndalojë përdorimin e monedhave digjitale për pagesën e mallrave dhe shërbimeve.
