Egnatia pritet të ndeshet me Midtjylland këtë të enjte në stadiumin “Air Albania” për Conference League, por autoritetet policore shfaqen hezituese për të garantuar mbarëvajtjen e këtij takimi. Përdorimi i gazit lotsjellës jashtë ka prekur hapësirat e brendshme të impiantit sportiv, duke penguar stërvitjen e rregullt të lojtarëve danezë.
Aktualisht, sytë janë drejtuar nga njoftimi zyrtar që do të sqarojë nëse ndeshja do të zhvillohet sipas planit apo nëse do të ketë modifikime. Për klubin e Egnatias, ky duel me rëndësi jetike në arenën ndërkombëtare shoqërohet me ankth dhe dilema të papritura.
