Tubimet e të rinjve kanë vazhduar me përplasje dhe momente të tensionuara në disa qytete të Shqipërisë, ndërsa në Durrës situata ka degjeneruar në shkatërrimin e katit të parë të institucionit të akuzës.
Gjatë këtij episodi, manifestuesit kanë thyer xhamat dhe kanë dëmtuar ambientet e jashtme të godinës së Prokurorisë, pa u qartësuar ende nëse janë prekur materialet apo dokumentet hetimore brenda saj. Autoritetet pritet të ofrojnë të dhëna shtesë për të sqaruar ngjarjen dhe për të vlerësuar dëmet materiale të shkaktuara.
