Një nxënës i Shkollës Teknike Ekonomike në kryeqytet ka shpjeguar arsyet e pranisë së tij në tubimin e të rinjve, duke pohuar se stafi drejtues i ka penguar nxënësit të largohen nga bankat e shkollës. Gjatë një prononcimi për gazetarin Klevis Muka të News24, adoleshenti theksoi se administrativët nuk lejuan askënd të linte orët e mësimit, duke bërë që vetëm dhjetë veta të mund të dalin.
Ndërkohë, ai shtoi se një shtysë tjetër e rëndësishme për daljen në shesh është gjendja e vështirë financiare dhe të ardhurat e pamjaftueshme të të moshuarve. “Unë protestoj se nuk kam asnjë nga kushërinjtë e mi këtu, janë jashtë. Gjyshërit e mi marrin nga 15 mijë lekë pension”, u shpreh ai.
