Protesta e studentëve kundër qeverisë ka hyrë në ditën e 22-të, ndërkohë që kryeministri Edi Rama ka ripërsëritur thirrjen për dialog.
Kryeministri ka vendosur sërish fletushka ku shkruhet “Dialog” mbi tryezën prej guri të vendosur para goditjes së Kryeministrisë. Ndërkaq, studentët vazhdojnë të mos pranojnë të ulen në bisedime me kreun e qeverisë, duke theksuar se bisedimet nuk do të nisen pa u plotësuar kërkesat e tyre, përfshirë largimin e Ramës dhe kabinetit qeverisës.
Edhe gjatë ditëve të shkuara, kreu i qeverisë është shërbyer me simbole të ngjashme për të kërkuar nisjen e dialogut me protestuesit. Fillimisht u vunë karrige para Kryeministrisë, të cilat u hodhën poshtë nga të rinjtë dhe pedagogët, kurse më pas Rama kaloi tek vendosja e gurëve dhe e tryezës prej guri.
Megjithatë, as ndryshimi i formës simbolike nuk ka dhënë deri tani një rezultat pozitiv nga ana e studentëve. Protestuesit kanë vazhduar të thërrasin “Dorëheqje!”, duke dëshmuar se nuk e pranojnë tryezën e dialogut dhe kërkojnë largimin e kryeministrit.
