Komiteti Kombëtar Demokrat (DNC) ndërmori të mërkurën një padi ligjore kundër administratës Trump, duke kundërshtuar transmetimin e spoteve publicitare që ngjajnë me fushatat elektorale. DNC pretenduje se këto materiale shkelin disa ligje federale, pasi janë financuar fillimisht me para të taksapaguesve.
Sipas padisë, avokatët e DNC shprehen se "Këto ads janë një shkelje e qartë e ndalimit të Kongresit për përdorimin e fondeve të alokuara për qëllime publicitare ose propagande." Dokumenti gjithashtu vë në dukje se kreu i shtetit ka orientuar zgjedhjet dhe ka udhëzuar votuesit.
Padia ngre akuza se Shtëpia e Bardhë i ka konceptuar spotet për të rritur mbështetjen për presidentin dhe për të ndihmuar kandidatët republikanë. Pretendimi kryesor lidhet me faktin se paratë ishin ndarë fillimisht për Doganat dhe Mbrojtjen e Kufirit, por u ridrejtuan për transmetimet televizive.
Organizata kërkon nga një gjykatë federale që të ndërhyjë, të shpallë veprimet e administratës si të paligjshme dhe të ndalojë menjëherë shfaqjen e mëtejshme të reklamave të paguara me buxhetin shtetëror.
Sipas të dhënave të paraqitura, materialet u shfaqën gati 90 herë në rrjetet kombëtare televizive, përfshirë Fox, Newsmax, MS Now dhe CBS, gjatë katër ditëve në fund të shtatorit, me një kosto prej rreth 337,000 dollarësh. Ndërkohë, në stacionet lokale ato u transmetuan të paktën 2,311 herë, duke kapur shifrën e rreth 1.4 milionë dollarëve, ndërsa firma AdImpact llogarit se në javën e parë u shpenzuan mbi 2.5 milionë dollarë.
Një sondazh i Reuters-Ipsos i publikuar të mërkurën tregoi se afro nëntë nga dhjetë votues e konsiderojnë të papërshtatshme përdorimin e parave publike për reklama fushatash me në qendër një president apo anëtar kabineti.